harecki_barys

ДЗЯСЯТКІ БЕЛ-ЧЫРВОНА-БЕЛЫХ СЬЦЯГОЎ ЗЬЯВІЛІСЯ НА МЕНСКІХ ДАХАХ

Mon, 14 May 2007 19:42:42 GMT

Адзін зь іх залунаў у шэсьць гадзінаў вечара каля станцыі мэтроў Усход і падчас гадзіны пік пратрымаўся на шаснаццаціпвярховіку ажно паўтары гадзіны!

Нацыянальныя штандары зьявіліся таксама на вуліцах Ванеева, даўгабродскай, а таксама ў мікрараёне Уручча. [Фотарэпартаж...]

Mon, 14 May 2007 08:26:27 GMT

Шоў Беларушчыны — гэта:

- Інфармацыйны выбух, які асьвятляе ваш далягляд на ўсю Беларусь!

- Жывая нацыянальная ідэя ў вобразах, сымбалях і пытаньнях, адказы на якія даяце вы самі!

Шоў Беларушчыны – гэта эмацыйная ўспышка...

Sun, 13 May 2007 18:04:47 GMT

Шоў Беларушчыны – гэта эмацыйная ўспышка, гульня і віктарына. Але пры гэтым гаворка будзе ісьці пра вельмі сур’ёзныя рэчы, таму будзьце ўважлівыя!

Прадстаўляюць шоў студэнты...

Sat, 12 May 2007 09:08:15 GMT

Прадстаўляюць шоў студэнты менскіх унівэрсытэтаў — каманда ДЫ -ДЖЭЯЎ АДРАДЖЭНЬНЯ. Хто такія DJі,
вы ведаеце — яны вядуць дыскатэкі й хітовыя праграмы на радыё, а вось DJ Адраджэньня – гэта тыя, хто разам з шоў, музыкай, конкурсамі й тэстамі зь лепшымі прызамі абуджае ў моладзі цікавасьць да сваёй краіны, нацыянальную сьвядомасьць, адчуваньне сэнсу жыцьця й ісьціны, адкрывае моладзі Беларусь і Бога: вакол нас і ў нас саміх.

Прывітаньне, дарагія сябры!

Thu, 10 May 2007 21:08:04 GMT

Вельмі прыемна бачыць вас усіх, такіх маладых, прыгожых і поўных сілаў, на нашым сёньняшнім шоў. Сёньня, у бліжэйшую гадзіну, вы апынецеся ў эпіцэнтры самых цікавых, нечаканых падзеяў, фактаў і перажываньняў. Будзьце гатовыя да таго, што гэтае шоў можа зьмяніць вашае жыцьцё, - ва ўсялякім разе, рэзка памяняць многія погляды. Перад вамі праграма – віктарына, распрацаваная для 2-х мільёнаў беларускіх школьнікаў і студэнтаў -

ШОЎ БЕЛАРУШЧЫНЫ!

... і хрысьціянскае абуджэньне:

Wed, 09 May 2007 14:23:03 GMT

... і хрысьціянскае абуджэньне: канцэнтрацыя сэнсу й сьцьвярджэньне духовых ісьцінаў.

Сёньняшняе Шоў Беларушчыны...

Mon, 07 May 2007 20:02:56 GMT

Сёньняшняе Шоў Беларушчыны — гэта адначасова й выяўленьне цікавасьці да беларускага, і фармаваньне сьвядомасьці...

Такім чынам, апроч відовішчнай беларусізацыі...

Mon, 07 May 2007 07:17:33 GMT

Такім чынам, апроч відовішчнай беларусізацыі, рэклямаваньня й пашырэньня этнічнае масавае культуры, выступы набылі духовую глыбіню, перайшлі да сьветапогляднага абгрунтаваньня нацыянальнае ідэі.

МАРШ ШПІЁНАЎ 2007. ФОТАРЭПАРТАЖ

Sat, 05 May 2007 19:46:51 GMT

У Менску адбыўся МАРШ ШПІЁНАЎ. Такім чынам маладафронтаўцы вырашылі зьвярнуць увагу менчукоў на татальны кантроль за беларускім грамадзтвам збоку спэцслужбаў, а таксама паказаць усю абсурднасьць шпіёнаманіі, якую ствараюць прапагандысцкія дзяржаўныя СМІ.

Некалькі маладафронтаўцаў, апранутых у "цывільнае" прайшлі маршам па вуліцах беларускае сталіцы ад гадзіньнікавага заводу да будынка беларускага тэлебачаньня на плошчы Перамогі, дзе усталявалі імправізаваную "наружку" за супрацоўнікамі АНТ. Акцыя выклікала вялікую цікавасьць мінакоў.

Tue, 01 May 2007 21:26:46 GMT

Нарэшце, у 1999-2000гг. Шоў Беларушчыны ператварыліся ў сапраўдны хіт з канцэпцыяй “Беларуская форма — хрысьціянскі зьмест”.

Tue, 01 May 2007 21:18:41 GMT

Вясною 1999г. адбыліся першыя курсы Ды-джэяў: зь некалькіх дзесяткаў паводле рэйтынгаў былі вызначаныя 12ць лідэраў, што атрымалі адмысловыя сэртыфікаты.

Sun, 29 Apr 2007 17:44:19 GMT

... Лепшыя гурты зьбіралі пераможцаў віктарынаў на адмысловыя маладафронтаўскія вечарыны з музыкай, салодкім сталом і нязмушаным сумоўем ...

Sun, 29 Apr 2007 17:36:55 GMT

... У канцы 1998 ў Менску Малады Фронт арганізаваў больш за 120 шоў у дзесятках школаў і ВНУ ...

ШОЎ БЕЛАРУШЧЫНЫ

Sun, 29 Apr 2007 17:27:02 GMT

Гэта адзін з самых моцных, эфэктных і эфэктыўных спосабаў абуджэньня нацыянальнае сьвядомасьці, фармаваньня духовага, сутнасна хрысьціянскага сьветапогляду сярод падлеткаў і моладзі.

Гэта яркі, запамінальны й зьмястоўны шоў-выступ перад школьнікамі ці студэнтамі, вытрыманы ў ключы дынамічнай гульні, віктарыны з музычнымі паўзамі для ўдарных беларускіх хітоў, са шквалам воплескаў і каштоўнымі прызамі — лепшымі беларускімі кнігамі, аўдыё- й відэакасэтамі, газэтамі й кампакт-дыскамі.

Шоў Беларушчыны — магутны зарад; у яго праграму ўключаны найбольш важныя, знакавыя й ўражвальныя факты, вобразы й коды, што выяўляюць нацыянальную ідэю ў поўным аб’ёме: “Беларуская форма — хрысьціянскі зьмест”.

гэты форум мы прысьвячаем менавіта шоў беларушчыны...

--------------------
Шоў Беларушчыны ў школах і ВНУ - замаўляйце! Тэлефануйце 694-82-80, 138-57-96, 870-64-58, альбо пішыце harecki@gmail.com! Чакаем!

Sat, 28 Apr 2007 20:50:07 GMT

Sat, 28 Apr 2007 16:26:06 GMT

29 КРАСАВІКА АДБУДЗЕЦЦА УШАНАВАНЬНЕ Ў КУРАПАТАХ

Sat, 28 Apr 2007 06:15:56 GMT

29 красавіка прадстаўнікі аргкамітэту па ўшанаваньні памяці ахвяраў сталінскіх рэпрэсіяў ускладуць кветкі і запаляць сьвечкі каля мэмарыяльнага знаку ў парку Чалюскінцаў. Такая ж акцыя адбудзецца ў Курапатах.

Такія акцыі адбываюцца сёлета 29-га дня кожнага месяца. Гэткім чынам іх удзельнікі адзначаюць 70-годзьдзе вялікага тэрору 1937 году. Акцыя ў парку Чалюскінацаў пачнецца а 15 гадзіне.

ФОТАРЭПАРТАЖ З ЧШ-2007!!!

Fri, 27 Apr 2007 08:06:33 GMT

Нягледзячы на татальнае ачапленьне плошчы Якуба Коласа і акцыі запалохваньня ля Акадэміі навук, «Чарнобыльскі шлях 2007» сабраў тысячы маніфэстантаў. Абсалютную большасьць іх складала моладзь. Пасьля мітынгу, на рагу Сурганава і Багдановіча, адбыліся сутычкі юнакоў з "чорнакашульнікамі". [Фотарэпартаж ...]